【Now財經台】有外媒報道，美國對華晶片限制「加辣」，中芯國際(00981)股價今早(1日)高開後，曾短暫倒跌，其後重拾升勢，一度升2.7%，高見17.46元，其後升幅收窄。市場上較熱門嘅CALL輪都比較價外，其中，價外25%以上嘅CALL都幾受歡迎，槓桿約5倍，揀到咁價外，投資者係咪想做長線部署？
滙豐亞太區財富管理香港上市產品銷售經理盧貴良指，中芯CALL的確比較價外，例如行使價21元，明年2月到期，實際槓桿5倍，都係較熱門嘅條款，睇返同業英偉達(Nvidia)股價今年已升咗好多，但中芯股價明顯落後，所以投資者嘅目標價睇得比較進取。
Daniel建議保守型投資者可以將行使價定喺6月高位，即20元水平，價外約15%。
