【Now財經台】憧憬美國聯儲局即將減息,貨幣政策趨向寬鬆,昨晚(7月31日)美股咁多板塊中,以晶片股表現最興奮,高通(Qualcomm)季績勝預期,刺激股價大升逾8%,龍頭英偉達(Nvidia)更勁升近13%,市值單日進帳3290億美元,博通(Broadcom)亦大升12%,其實呢個板塊有唔少股份嘅股價已自高位調整咗20%至30%,係咪資金趁平翻兜晶片股?
東亞銀行財富管理部首席投資策略師李振豪指,市況及經濟前景仍未明朗,有實際需求支持嘅晶片股成大戶新寵係好正常。此外,日圓走勢亦有影響,之前嘅日圓拆倉潮已經完結,大戶平晒獲利盤,但依家美國及日本已傾掂利率政策,當美元兌日圓企穩150,市場會開始出現套利活動。
Frank又提醒長線投資者,升勢強勁嘅科技股唔係一枝獨秀,道指近期反彈顯示美股已開始出現板塊輪動,預期將會有更多資金部署防守型板塊。