【now.com財經】凌晨時段何詩蓓再為為隊增添一面銅牌，實在令人鼓舞。得獎當然開心，但其實運動員能夠享受一場比賽，即使隔住個電視機，睇嘅受眾同樣都會感受得到嗰份喜悅。就如61歲代表盧森堡出戰嘅倪夏蓮婆婆，不論該得失都好，總會喺佢嘅面上流露出一幅廿歲少女嘅笑臉。你可能會話：佢都知自己唔會擺到牌架啦，咁更係會咁啦！但唔好忘記佢係64強時擊敗31歲土耳其嘅對手，先至可以晉身32強對住世界第一嘅23歲孫穎莎，61歲嘅體能 vs 23歲嘅躍動；舊一代打法 vs 新一代技巧，都可以曾經打到反cup，我自問睇得好Enjoy，多謝倪婆婆將你份歡樂傳傳到嚟我嘅心裡面。
同一時間，我都希望恒指今日都可以有好表現，不過喺未完U之前同作戰室一齊rerun返噚日嘅走勢圖，五分鐘同小時圖嘅Slow STC(14.3)都真係令人有少少唔開胃。
終於到咗9點20分，見指數都只係微跌16點開市，報17,327點，喺作戰室一早畫定旦所有量度線出嚟，由於變幅唔大，所以都係等9點30分正式開市之後先至再算。
先望返噚日隻恒指牛(65520)，喺上半場以平均價0.0595元買入，同步Set好咗借五分鐘圖中軸失守的話，咁(65520)就可以收得工。
嚴格嚟講，噚日喺下半場絕大部份時間指數都守得住喺中軸之上，只係喺2點30分至2點35分期間擺位低於中軸線以下，過後即時上返去又再咬住10/20線運行。
策略set好就唔得出術嘅，中軸喺嗰一個位真係失守過，如果睇住個市嚟玩嘅，見到咁嘅情況應該會選擇離場。
所以，按2點30分起計10分鐘走貨的話，期內(65520)高低位做過0.068元/0.067元，平均走貨價則為0.0675元。呢一趟平均有8格或13.45%，為7月份全月畫上一個完美嘅句號。
再睇返今朝開市情況，五分鐘圖上見幾支大燭上上落落，Chok到嘔白泡咁，望望鐘依家10點19分，五分鐘圖上仲要行咗個「三角形」出嚟，真心難玩。
既然係咁，做住觀眾先啦，反正依家連小時圖都夾到好實。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
