【Now財經台】日本央行爆冷加息，政策利率上調至介乎0.15厘至0.25厘，並決定削減買債規模，至2026第1季每月買債規模縮減至3萬億日圓，日央行亦提及，未來貨幣政策取決於未來經濟狀況，今年會唔會再加息？
東亞銀行財富管理部高級投資策略師黃燕娥指，日本經濟相對較弱，國內生產總值(GDP)增長仍然係負數，限制日央行嘅加息步伐，所以今年加息空間唔大，有機會要等明年初先會考慮進一步加息。
佢又話，市場早已預期日央行今次會加息，但今次加息只係象徵式，相信同當地薪金有上升跡象有關，但對市場嘅影響唔係特別大，短線而言，日圓仍有壓力，但當美國聯儲局開始減息，日圓中長線有望走強。
