【Now財經台】南韓的第二大晶片製造商SK海力士季績表現亮麗，主攻人工智能(AI)市場嘅高頻寬記憶體(HBM)晶片，受惠於AI熱潮，2025年前產能幾乎已完全預定。有研究機構指，今年上半年SK海力士喺HBM市場嘅市佔率高達90%，到底SK海力士喺晶片市場有咩優勢？
易方資本助理基金經理王逸研指，SK海力士能稱霸HBM市場有3個原因，首先係提供大部分3E晶片畀英偉達(Nvidia)，其次係能高度量產3E晶片，繼而推高毛利率，最後係集團喺研發未來新一代晶片上有好大優勢，可以降低成本。
佢又話，以往南韓晶片龍頭三星電子(Samsung Electronics)喺HBM晶片市場比較落後，經調整後重投晶片市場，所以SK海力士現時嘅領導地位應可再維持一段時間。
