【Now財經台】上美股份(02145)上周五(30日)發盈喜後，股價連續兩個交易日出現龐大沽壓，累計自高位回落20%，昨日(29日)高開低收，並開出1枝大陰燭，今日(30日)更一度大跌11%，低見31.15元，收市報32.95元，跌逾6%。
上美預料，中期利潤按年增最多3倍至4.1元億人民幣，收入亦會增長1倍至最多約36億元人民幣，短短半年已達到去年全年業績嘅80%以上，公司話係因為主力品牌「韓束」嘅收入多渠道快速增長，第二品牌梯隊「newpage一頁」銷售業績亦大幅增長。
上美股價近日調整，可能係之前累積咗唔少升幅，或有唔少投資者趁好消息出貨獲利，亦有可能係盈喜反映集團增速放慢，加上內地消費疲弱，令市場憂慮公司增長前景，現時上美現價預測市盈率(PE)13倍，貴過內地消費股普遍估值，集團預期8月底出業績，要留意到時業績細數有冇走樣。
