【Now財經台】今個星期係「超級議息周」，日本央行、美國聯儲局及英倫銀行會公布議息結果，其中，日央行將會打頭陣喺周二(30日)展開一連兩日議息會議，市場關注日央行會唔會加息，同埋減少買債進程，如果睇返日本核心通脹數據，似乎已符合加息條件，但日央行一直採取拖字訣，今次議息會唔會宣布加息？
資深經濟師羅家聰認為，日央行應該要快速加息遏通脹，當地經濟早已符合加息條件，但日央行一直對通脹真實情況存疑，其他國家嘅通脹已經開始回落，但日本通脹始終落唔到，一直維持喺2%至3%，同美國差唔多。KC又話，依家日本國內生產總值(GDP)不升反跌，其實係日央行行寬鬆政策嘅後遺症，同疫情冇關。
