【Now財經台】近期市場持續觀望內地有冇救市政策出台,恒生指數繼續窄幅上落,雖然早前內地以3000億人仔超長國債刺激消費,但港股氣氛仍然冇改善,展望8月,港股會點走?港股業績期今個星期揭序幕,加上內地政策及外圍因素,對港股投資氣氛有咩影響?
渣打北亞區投資總監鄭子豐估計,恒指會喺18000至20000點上落,睇返依家嘅基本面,預期仍有約5%上升空間,但要留意恒指現時受制幾個因素,首先係業績期快將殺到,由於內地第2季國內生產總值(GDP)增長唔理想,市場對企業盈利唔太樂觀,其次係外圍因素,美國政治等因素會影響國際投資者投資港股嘅意欲。