【Now財經台】盈喜股達芙妮國際(00210)今日(26日)打入10大升幅榜，股價今朝裂口高開近9%，其後升幅不斷擴大，一度大升近21%，高見0.22元，衝上年半高位，成交股數較過去100日平均大增13倍，成交金額約110萬元。
達芙妮預告，截至6月底止中期，最少多賺逾62%，主要受惠於集團許可權費收入及貨品銷售收益大增。
睇返技術走勢，達芙妮今日一升，已非常接近年內高位，若收市企得穩，可以再上望去年高位，即0.25元水平，不過，要留意14天RSI已升至74，有出現超買，可以等喺高位整固完再入場都未遲。
