【Now財經台】港股昨日(25日)跌至逾3個月低位,恒生指數一度跌穿17000關,大市走勢轉差,7月資金流情況係點?港股業績期好快就到,投資者又點部署?
南方東英香港分銷銷售部高級副總裁李溢琳指,三中全會結束後冇太多消息出台,外圍又太多變數,例如美國大選選情,導致7月資金流都比較分化,投資者態度變得審慎,資金轉向做中長線、分注吸納部署,尤其喺低位仲未買貨嘅投資者。
港股業績期就到,Barbara指出,唔少投資者偏好博科指槓桿,因為科指比較難捉,除咗科技平台外,仲涉及新能源車板塊,近年恒指、港股資金面都唔係好多,好多時都係板塊輪動,炒唔哂每隻個股,同埋有個股業績唔差,但股價反映唔到,所以捉個股業績難度更高,反而一籃子咁做部署,如果只買1隻股份又表現唔好,但成個指數拉勻計,個股風險都唔會太大。