【Now財經台】美股進入重磅股業績期，科技股出現大調整，拖累美股3大指數顯著下挫，新屋銷售數係7個月以來最少，加上製造業採購經理指數(PMI)差過預期，市場對經濟前景嘅憂慮再度升溫，雖然美股跌得急，但美匯指數昨晚(24日)冇太大影響，如果股市真係崩盤，會唔會令聯儲局提前減息？
亨達集團助理總經理羅明立指，依家市場認為7月減息機會好微，聯儲局其實都唔急於減息，喺美國經濟數據轉弱下，通脹亦冇上升空間，佢估計，9月極大機會減息，雖然市場對聯儲局減息預期升溫，但其他央行減息機會都唔細，其中，加拿大央行已連續兩個月減息，歐洲9月減息機會亦好大，所以各國貨幣政策唔會相差太遠。
Patrick又指，雖然歐美經濟唔樂觀，但美元唔算弱，美匯指數可企穩104水平，由於大市缺乏方向，短期以炒上落為主。
