【Now財經台】美股踏入業績期,科技及諮詢服務公司國際商業機器(IBM)第2季業績好過預期,受惠於人工智能(AI)熱潮,上季多賺16%,亞馬遜(Amazon)、蘋果公司(Apple Inc.)等科技巨企就喺下星期派成績表,展望第3季,科技股業績可唔可保持強勢?
股評人王榮昆指,市場對科技業績期望好高,分析員對今年標普500指數企業盈利表現睇得好樂觀,尤其係第4季每股盈利(EPS)表現。不過,亦預期第3季亞馬遜、Google、微軟(Microsoft)等增速將大幅減慢。
至於即將公布嘅第2季業績,佢話市場估計呢幾隻巨無霸上季EPS增長可能高達67%。