【Now財經台】日圓匯價連日轉強，套息交易平倉，美元兌日圓跌至逾兩個月低，據《路透》報價顯示，日圓昨日(24日)一度見153.09，每百日圓兌港元曾見5.1。
鴻鵠資產管理行政總裁陸庭龍指，睇返交叉盤，見到好多投資者沽澳元買日圓，喺日本仍有通脹下，日本央行一定同其他央行行反方向，選擇加息唔係減息，雖然日央行一向「得把口」，而年底加息嘅訊號會加快市場嘅拆倉行動。
不過，Alan認為，到底有幾多資金因呢個原因流入港股就冇實際數據，但睇返恒生指數及A股表現，暫時見唔到有大量外資湧港股，所以拆倉潮同港股弱勢冇太大關係。
