【期匯決算】加元短期有機下試1.38水平

【Now財經台】加拿大央行今晚(24日)會公布議息結果，再減息機會係咪都幾高？依家央行減息嘅首要任務係避免經濟衰退，減息再加上油價持續下跌，加元係咪要面對雙重打擊？

東亞銀行財富管理部高級投資策略師黃燕娥指，近期油價走勢同加元相關性唔大，相反，今晚嘅議息會議對加元影響就較大，加拿大央行都係第1批減息嘅央行，今晚宣布減息嘅機會近90%，市場亦預期，今晚宣布減息後，年底會再減1次，對加元構成一定息差壓力，有機會令加元短期會持續弱勢，有機會下試1.38水平。