【Now財經台】三中全會已於上周閉幕，會議提及消費稅後移，並穩步下劃地方，係咪對地方政府有利，可以解決到財赤問題？此外，人民銀行之前突然減息，包括貸款市場報價利率(LPR)，係咪回應返三中全會提出嘅政策方向？
恒生投資董事兼投資總監薛永輝認為，依家仍未有相關細節出台，加上都係一個幾大嘅改革，好多事情仍然係未知之數，不過，如果消費稅後移至由地方政府徵收，地方政府財政一定係正面，但實際上點徵收、針對乜嘢徵收，對消費有冇影響，呢啲仍然係唔清楚，但如果可以將多啲稅收落返地方政府袋，一定係幫到地方政府。
Wilfred認為，減息係整個配套一部分，估計下半年會見到更多政策，暫時見到相關措施都係偏向審慎，逐步出台再觀察成效，然後再部署下一步應該點做，但大方向都係支持經濟增長。
