【now.com財經】噚日出咗隻恒指牛(56107)，平均買入價為0.0485元。喺【輪證下半Part】度出文時都仲見到隻(56107)證價報0.05元，磨得太耐走貨嘅話真係瞧問題；借小時圖中軸持貨嘅，以噚日下午1點打後嘅中軸線見17,572點計，喺大約1點35分見指數失咗呢個位，如是者(56107)手多好倉玩完。
如常用返10分鐘作走貨時間的話，即於1點35分至1點45分期間走(56107)的話，按期內(56107)高低位做過0.048元/0.043元，平均走貨價為0.0455元，呢一趟平均輸3格或6.19%，都仲有一個可以接受嘅幅度嚟嘅。
望返個恒指日線圖，呢幾日指數嘅波幅都真係唔大，最多都只係得前日高低位有380點，噚日仲衰得250幾點，嚴重考驗全員耐性。呢啲時侯通常就會拎個VHSI出嚟睇下到底指數仲要悶到幾時。
今朝都已經喺作戰室同戰友們睇咗個VHSI，仲順便講多次VHSI係點用，呢度不贅。而想講嘅係VHSI今日擺位見低於保歷加通道中軸，又通道保持平衡中，Slow STC(14.3)都係向下中，所以VHSI都有出Swing Trade條件，即係佢都保持向下運行。
到依家9點53分，暫時指數都係偏向下行為主，都合理嘅，現價都踩住下方牛證街貨而且比上方熊證重呢，所以今朝作戰室策略都只係出一注同魚蛋咁上下嘅Size，雖然小注但都Lock好借五分鐘圖中軸作量度線，然後由得佢放飛一陣，順便借埋小時圖畫到嘅「圓頂」向下Set定兩條頸線作目標，睇下發生咩事。
10點前後時間見指數已經到咗第一個目標價，戰友都開始爬完格仔，重新返回工作崗位，皆因指數又再重新橫行。
如果喺呢度用小時圖借第一條「圓頂」頸線唔過而出淡倉再博指數落到第二條頸線的話，確實係唔建議，主要係水位真係唔多；換上五分鐘圖去爬格仔嘅話，一樣都係要預咗唔係好多水位，分分鐘同作戰一樣三數格就四閃人，講得嚟你都未睇完文，所以今日大家不如休息一日啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
