【Now財經台】旅遊平台Klook公布港人旅遊趨勢調查結果，旅遊業逐步復甦之餘，旅遊模式亦出現轉變，喺人工智能(AI)應用成為新趨勢下，AI應用係咪有助公司更長遠發展，Klook喺呢方面嘅發展又係點？公司踏入10周年有咩新搞作及目標？
Klook香港及澳門區總經理岑皓祺表示，公司喺唔同範疇都有應用AI，包括產品翻譯，喺唔同地方搜尋產品時就要對應返唔同語言，AI可以喺1日內翻譯到14種語言。此外，集團亦推出Klook AI小程式，可以因應不同產品為顧客解答相關問題，大大減少公司客服資源。
Kenny續指，公司業務持續快速增長，今年係Klook 10周年，公司以「體驗」起家，今年希望重新定義「體驗」，提供更多新產品及活動，讓顧客探索更多新事物。此外，一站式服務係Klook另一個大方向，顧客由計劃旅遊初期，買機票及訂酒店，再到租車、交通、Sim卡、體驗活動，都可以喺平台一次過訂購。
