【Now財經台】資深投資者莫家強認為，中長期而言，美股仲未升完，邊隻大型科技股會率先見底回升？Tesla及Google母公司Alphabet會喺今晚(23日)美股收市後派成績表，一旦季績唔理想，科技股會唔會出現新一輪拋售潮？此外，上周五(19日)導致全球死機嘅網絡保安服務供應商CrowdStrike股價仍未止瀉，昨晚(22日)再跌逾13%，股價已自高位跌咗逾30%，依家係咪執平貨嘅好時機？
莫家強指，的確會擔心引爆新一波掟貨潮，尤其當股價走勢開始轉差，再加上業績唔好，股價跌咗落去就未必上得返去，相反，如果業績好個價上返去，資金又認同就可以睇高一線。佢又話，美股喺業績保密方面做得好好，所以放榜前好難估好與壞，佢認為Tesla前景未必太亮麗，但Alphabet及微軟(Microsoft)就可以睇好，若業績交到貨係值得買入。
CrowdStrike方面，Alex提醒，千其唔好認為「出事股」提供一個買入機會，如果出事當日買，到依家已經輸咗好多錢，啲類股份出事時的確會吸引好多人入市，依家睇CrowdStrike呢隻股份最重要係...
