【股市脈搏】亞信業績轉差有排跌？

【Now財經台】內地電訊軟件及服務商亞信科技(01675)發盈警，拖累股價今日一度急瀉21%，低見4.85元，跌至逾兩年低位，最終以接近全日低位收市，重挫近19%，收報4.95元。亞信今日喺大成交下跌穿6元支持位，14天相對強弱指數(RSI)已落到20嘅超賣水平。

亞信預期，上半年收入最多跌13%，並轉蝕最多1.2億元，去年同期就賺逾2億元，收入則跌約10%。此外，盈警亦提到新業務表現唔理想，增速放緩。

亞信今日喺大成交下急挫，喺業績轉差下，預期股價暫時都好難有大起色，好難挽回市場信心。