【Now財經台】康龍化成(03759)發盈喜，預期上半年多賺最多45%，最少賺逾10億人仔，值得留意係，中期盈利有一半來自出售事項，若扣除集團向強生公司(Johnson & Johnson)出售旗下藥物開發公司Proteologix嘅收益，實際淨利潤跌36%至41%，不過，康龍股價今日(22日)照升，一度升逾8%，高見9.43元。
博威環球證券金融首席分析師聶振邦指，相比首季經調整盈利按年跌逾22%，若計及股息收益，康龍股價今年已調整逾40%，已充分反應盈利倒退因素。此外，市場原本預期醫藥外包研發(CRO)行業上半年表現麻麻，但康龍中期盈利已等同去年一半，令市場憧憬下半年增長會更勁。佢又認為，康隆股價開始轉強，估計升至10元至10.5元先會遇到阻力，可以考慮現價買入，如果保守啲可以等股價回落至8.8元以下先再買貨。
聶Sir續指，憧憬行業下半年基本面向好，今日成板CRO股都有得升，除康龍有盈喜配合而炒高，凱萊英(06821)今早亦一度抽升5%，高見47.65元，聶Sir建議現價吸納呢隻黑馬，原因係...
