【Now財經台】美國總統拜登(Joe Biden)終於宣布唔爭取連任，市場普遍認為，意味共和黨嘅前總統特朗普(Donald Trump)喺11月大選嘅勝算又高咗。
不過，成家網上投資課程導師徐冠鴻認為，若特朗普當選，美國通脹就好難喺短期內降溫。佢又指，特朗普認為油價跌有利通脹降溫，又承諾會令油價及物價快速回落，不過，呢種手段只會適得其反。
諗Sir分析指，特朗普重點政綱係對華實施關稅，但失去平價中國貨會為美國輸入通脹，而佢主張下調美國企業稅率至約20%，將會導致孳息率上升，因為會令政府稅收大減，而評級機構可能因而質疑政府嘅還債能力，並進一步下調美國信用評級，引發國債價格下跌而息口上升。
諗Sir又話，上周開始多咗分析預期美國政策利率最多減至3.5厘，好難重現疫情前嘅零息環境。
