【Now財經台】美國總統拜登(Joe Biden)指為咗黨及國家利益，放棄競逐連任，並表態支持副總統賀錦麗(Kamala
Harris)代表民主黨出選，但賀錦麗係咪可以獲得黨提名仍然係未知之數。雖然前總統特朗普(Donald Trump)贏面似乎好大，但市場焦點係咪會由「特朗普交易」(Trump Trade)轉至民主黨「換人」打選戰？民主黨臨門變陣對股市影響大唔大？
華晉證券資產管理投資總監馮宏遠認為，民主黨突然換人的確會對股市有影響，但依家同市場之前預期拜登出選就輸硬係唔同咗，估計會由認為特朗普已經贏咗「褪返出嚟」，首先對Trump Trade有影響，其次係市場不確定性增加，上周跌得比較多嘅科技股會出現趨勢反轉，今個星期可以視為整個中期調整裡面一個反彈期，但彈完之後點行，佢估計...
