【Now財經台】跟半導體行業龍頭英偉達(Nvidia)關係密切嘅台積電(TSMC)，股價近期持續向下，今日(19日)收市再跌逾3%，主要受已正式成為美國總統大選共和黨候選人特朗普(Donald Trump)嘅言論影響，一旦佢勝選，好大機會會扶植美國晶片企業，台積電會面臨幾大衝擊？
易方資本投資組合經理王逸研指，其實美國政府一直有為「國家隊」晶片企業提供補貼，以抗衡全球晶片「代工王」台積電，但情況並唔樂觀，事實上，美國晶片製造商英特爾(Intel)都將唔少定單交比台積電，係基於技術原因造成嘅自然壟斷，同台積電嘅低價策略冇關。
佢又話，台積電依有必要喺美國設廠，雖然會影響毛利率，但同時會落實一啲措施，例如可以同其他公司合資設廠，再獨立提供資金，避免同其他公司共享技術成果，但大部分增加咗嘅成本都會由台積電承擔。
