【Now財經台】九興控股(01836)昨晚(18日)發中期盈喜，預期按年多賺63%，最少賺9000萬美元，不過，九興股價今日不升反跌，一度重挫近11%，100天線都守唔住，點解股價會反高潮？同產能利用率未恢復有冇關？
信達國際研究部董事趙晞文指，九興股價今日(19日)下跌，係因為管理層冇交代Nike嘅實際交貨時間，雖然九興生產情況唔錯，但交貨日期有機會係今年，又或者延至明年第1季，所以投資者對九興有戒心，繼而拖低股價。
佢續指，九興產能利用率正在恢復，但仍未重返正常水平，主要受大客Nike影響，上年Nike產品嘅產能介乎60%至70%，今年就升至介乎80%至85%，但同90%嘅正常水平仲有少少距離。
