【Now財經台】截至早上10時45分止，1小時內《彭博》搜尋量最多港股，依次為停牌中的碧桂園(02007)、遠洋集團(03377)、萬科企業(02202)、華潤置地(01109)及龍湖集團(00960)。
今日(19日)上榜股份清一色係內房股，相信都係同昨日(18日)閉幕嘅三中全會有關，會議公報對內房著墨唔多，只係話會有措施刺激內需，以及有全力去庫存，推新政策憧憬落空，內房股股價今日顯著受壓，點解會出現咁大落差？
華盛證券財富管理部董事李偉傑指，相信主要同三中全會提及嘅政策唔夠全面有關，大部分公布嘅政策內容只係一個大方向，細節就欠奉，可能要等稍後嘅政治局會議先會有詳情，所以內房股今日表現係合理。
Jason又話，「517」樓市新政推出後，房地產銷售曾經喺5月出現短暫反彈，但好快又放緩，未來要繼續留意政策會唔會再發揮作用，銷售再度反彈，到時先有機會見到個別內房股可能有較似樣嘅反彈。
