【槓桿致勝】小米開發布會前點部署？

【Now財經台】雖然小米集團(01810)全球手機出貨量增速顯著加快，但股價今早(19日)仍跟隨大市向下，集團今日會發布新一代摺叠屏手機「小米MIX Fold 4」，如果睇好小米後市應該點部署？

星展香港環球金融市場上市產品策略師鍾宛婷指，小米股價最近處於整固格局，唔少投資者都關注今日收市後舉行嘅發布會，如果想博發布會短線刺激作用，CALL輪行使價可以考慮18.9元水平，9月到期，槓桿都可以做得高啲，如果博到爆發力都會幾大。

佢又提及，若發布會冇太大驚喜，又或者股價冇乜水位，就要做返止蝕動作。