【Now財經台】截至早上11時止，1小時內《彭博》用戶搜尋量最多嘅港股，依次為農夫山泉(09633)、騰訊控股(00700)、路勁(01098)、國泰航空(00293)及奈雪的荼(02150)。
香港消委會對農夫山泉產品測試樣本歸類落差，所引起嘅誤會致歉，並重新評分，整體表現由4.5星調整至5星，股價方面，前日(16日)創逾52周新低，基本面係咪仍然弱勢？
椽盛資本投資總監曾永堅指，雖然消委會事件令農夫山泉股價雪上加霜，但其實最影響股價係基本面，行業競爭激烈，內地除面對下沉式消費外，年輕一代對新產品嘅喜好轉變大，而農夫山泉一直靠份量多及低價搶市佔率，未來面對嘅挑戰唔細，市場擔心集團銷售及毛利率進一步受壓，佢估計，農夫山泉股價將繼續受制於20天線，即36.5元水平。
