【期匯決算】美匯指數有機失守104

【Now財經台】據最新利率期貨顯示，美國聯儲局9月減息機會高達100%，帶動美股隔晚(16日)大升，不過，匯市繼續冇乜反應，係咪同昨晚公布嘅零售數據有關？扣除汽車後嘅零售銷售好過預期，並錄得3個月以來最大升幅，美匯指數就唔使跌，係咪反映已搵到104呢個底？

東亞銀行財富管理部高級投資策略師黃燕娥估計，市場已消化聯儲局好大機會喺9月減息呢個消息，而近期公布嘅數據都反映美國經濟動力減弱，9月減息條件愈來愈足夠，若未來公布嘅數據持續放緩，美匯指數有機會失守104水平。