【Now財經台】美國前總統特朗普(Donald Trump)早前遇襲,令佢喺11月嘅總統大選勝出嘅機會大增,唔少分析認為佢再度入主白宮已成定局,令資金押注聯儲局好大機會喺9月減息,今年甚至有機會減息3次。美匯指數昨晚(15日)一度跌至104邊緣,金價就上返去每盎司2420美元樓上,美元及金價走勢反映市場押注聯儲局,將會喺經濟唔會陷入衰退嘅前提下減息,係咪意味聯儲局減息幅大過市場預期?
高富金融集團投資總監梁偉民預期,聯儲局有70%機會喺9月減息,全年就會減兩次息。Wyman又指,因為最新數據都有利聯儲局減息,令市場嘅減息預期升溫,其次係聯儲局希望美國物價穩定及全民就業,不過,美國最新通脹數據放緩,就業市場亦轉弱,都成為聯儲局減息嘅推手。