【now.com財經】上個星期五(7月12日)揀咗隻恒指牛(63746)出嚟，平均買入價為0.0705元，借五分鐘圖Slow STC(14.3)超賣觸底入，至【輪證下半Part】出文時已經見Slow STC(14.3)超買中，幾時走隻(63746)都可以。
去到下半場大約1點40分，終於都見到Slow STC(14.3)確認兩線都離開咗超買範圍，觸頂向下走好倉，同平時一樣用返10分鐘時間走貨的話，於1點40分至1點50分期間，(63746)高低位做過0.08元/0.076元，平均走貨價為0.078元，換言之呢一趟平均執7.5格或10.64%。
走貨之後其實有再見到指數keep住喺保歷加上升通道裡面用時間換格仔，如果有時間睇住個圖，即係好似我同作戰室嘅戰友一樣的話，咁都有可能同我哋一樣玩「放風箏」，只要方向啱就問題不大。
睇返全個下半場嘅走勢，指數一直Keep住處於上升通道，至3點半時見過全日高位18317點。就算唔係全日高位走貨，當你唔過夜同平時一樣喺收市前10分鐘走隻(67346)的話，以當時高低位做過0.083元/0.082元計，平均走貨價為0.0825元，即係話呢一注如果用上「放風箏」策略嘅話，平均賺幅為12格或17.02%。
今朝未起身已經聽到出面落雨；餵完貓貓之後開電腦同作戰室嘅戰友做定開市前準備，見到今日嘅街貨圖向上數最近現價嗰日層熊證街貨，每層都有新增街貨流入。另一方面指數亦同牛證街貨距離比較遠，如果單睇街貨的話，就會好直線地買入好倉，博指數繼續向上殺熊。
不過，睇咗個日線圖之後就未必會咁諗，皆因日線圖上見指數頭頂條50線頂住，呢個位未到9點喺作戰室裡面已經被我哋Mark住。
到咗正式開市之後，恒指向下跌91點開市；再嚟到依家9點43分，指數其實變化唔大，仍然都徘徊於開市口價附近作窄幅上落。
作戰室今朝開市策略係出淡倉先嘅，10點未到有見過指數跌幅擴大至過百點，暫時低見18167點。依家其實仲有3分鐘先至到10點，咁講，裂口向下落到同10線咁近，但Slow STC(14.3)兩線數字上有見觸頂向下，同時見保歷加通道有少少向上抽，真心好想知指數會唔會向下再踩多一浸，唔駛多，到10級的話都夠作戰室食餬。
終於等到10點，見到指數有少少似上個星期五嘅下半場嘅走勢，只不過係上下相反，上個星期五係慢升，今日有似慢落。10點6分見指數踩住10線，淡倉第一個目標算是到步，好貪心的借單上個星期五小時圖第一支燭嘅低位18,020點作為淡倉嘅下一個目標，當然，注碼上同今朝開出嚟嘅第一注係有分別。
恒指熊(61000)，收回價18,588點，槓桿有約42.3倍，低街貨都係一個Pick佢嘅原因，借小時圖博指數仲有得向下推落去的話，確認指數低走10線固然係必需；五分鐘圖同步見指數下方有100線喺度，Slow STC(14.3)兩線到超賣都仍然有懶保歷加通道口要保持拓闊。所以安全嘅呢注淡倉睇下指數會唔會稍企於100線上再向上頂10線，頂唔過嘅偷步先出動可以。
最保守嘅Swing就當然等返Slow STC(14.3)上返超買位先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
