【Now財經台】美國通脹降溫，6月消費物價指數(CPI)按年升3%，升幅係1年以來最小，美匯指數亦跌至1個月低位，但短線仍有支持，CPI出爐後，據最新利率期貨顯示，美國9月加息機會率急升至逾90%，聯儲局出手機會似乎好大？美匯指數喺未減息前，104水平仲有冇支持？
瑞穗銀行首席亞洲外匯策略師張建泰指，美國9月減息機會非常大，當地通脹壓力明顯紓緩，如果9月唔減，到11月先減就太接近美國總統大選，到時可能會遇到唔少阻滯。
Ken又話，市場消化咗減息預期消息後，美元再跌空間未必太大，始終美國仍有息差優勢，相信美元會繼續有支持。
