【Now財經台】日股經歷第2季整固後,再展升浪,日經平均指數再破頂創新高,有數據顯示,外資再度積極買入日股,上周淨買入9160.5億日圓,單周淨買入係1月12日以來最多,到底日股新一輪升浪嘅動力來自乜嘢?
渣打香港高級投資略師陳正犖指,日股今輪升浪動力主要來自偏弱嘅日圓,事實上,當日圓持續處於低位,會令包括日股、美股在內嘅環球股市有顯著上升動力。
佢又話,近日市傳日本央行出手干預匯市,帶動日圓急彈,日股係亞洲交易時段走勢凌厲,投資者要小心呢個反彈,喺美股成為先導指標後,日股短線無可避免有少少調整,但中長線而言,仍對日股有利。