【Now財經台】中國國航(00753)、東方航空(00670)、南方航空(01055)昨日(11日)齊齊發中期盈警，3隻股份股價今日(12日)全部逆市向下，有咩原因導致3大內航齊發盈警嘅情況？
紅蟻資本投資總監李澤銘指，內地航空業競爭激烈，今次3家航空公司齊發盈警，有可能係疫情期間，錯估乘客增長情況，增加咗同航線運力後，最終需求不似預期，導致出現「供應過剩」，令票價有下調壓力。
Alan又指，如果要改善供求問題，就要睇下半年國際航線嘅商務活動係咪明顯復甦，不過，國際航線基本上都恢復得七七八八，所以改善空間有限，由於影響內航兩大因素仍然存在，估計3大內航下半年嘅營運環境、業績都唔會有太大改善。
