【Now財經台】個別汽車相關股今日(11日)開快車，其中，汽車4S股廣匯寶信(01293)早段都升得好靚，但其後升幅顯著收窄，成交亦唔多，全日成交金額僅約30萬元。
集團昨晚(10日)指，收到控股股東新疆廣匯通知，有意將喺A股上市嘅廣匯汽車約32%股權，部分轉讓予新疆金正科技，意味控股股東結構可能出現變動，現時廣匯汽車持有廣匯寶信68%股權。
睇返技術走勢，廣匯寶信股價6月中開始受制於10天線，今日除咗250天牛熊線外，已成功收復多條移動平均線，但收市受制100天線，加上交投疏落，股價要再上衝有難度，後市要留意股權變動對廣匯寶信有冇好處。
