【Now財經台】市傳馬雲低調回國，現身阿里巴巴(09988)杭州總部，引起市場關注，阿里股價今日(11日)升逾3%，一度高見76元，挑戰50天及250天線，集團將於8月公布首季業績，股價嚟緊會唔會再有突破？
艾德金融執行董事陳政深指，阿里「1+6+N」組織架構調整的確有憧憬空間，前提係市況要好，以及市場對經濟前景睇法正面，但現時就唔符合呢啲客觀條件。參考上個季度業績，最大收入來源係嚟自淘天集團，收入增長僅4%，受制於經濟環境，集團缺乏收入增長動力。此外，阿里國際數字商業集團、菜鳥、本地生活集團等表現唔差，但仍未到成熟階段。
Ryan續指，阿里股價暫時好難展開新一輪中長期升浪，短中期而言，股價喺70元至71元打底，股價兜底後，下一站絕對有能力挑戰80元樓上，目標價可以睇84元。
