【Now財經台】在美元強勢下，亞洲貨幣走弱，今年以日圓跌得最甘，暫時錄雙位數跌幅，人仔則跌約2%。瑞穗銀行經濟師表示，日圓及在岸人仔匯價120天關聯創紀錄新高，預期整體亞洲貨幣均受日圓及人仔貶值拖累。到底日圓及人仔持續走弱，會唔會引爆新一輪亞洲貨幣貶值危機？
資深經濟師羅家聰指，美元持續強勢，大部分亞洲貨幣都受影響，如果市場對經濟前景感到憂慮，甚至提出去中國化，企業或會將生產線、資金撤出亞洲。佢又話，息口持續高企會打擊製造業，現時大部分亞洲國家以製造業為主，若製造業前景欠佳，就會令流入亞洲嘅資金減少。
KC續指，亞洲貨幣已有一定貶值幅度，若經濟唔掂，新興市場就會首當其衝，所以亞洲貨幣係面對頗大貶值壓力。
