【Now財經台】美國通脹數據將於今晚(11日)出爐，美匯指數變動唔大，續於105水平徘徊，不過，金價搶閘轉強，上返每盎司2380美元樓上，聯儲局主席鮑威爾(Jerome Powell)最新表示，毋須待通脹回落至2%以下才減息，據最新利率期貨顯示，市場繼續押注聯儲局9月減息，機率已逾70%，若消費物價指數(CPI)一如市場預期放緩，金價有冇條件上返2400美元？
獨立外匯商品分析師盧楚仁指，今晚出爐嘅CPI的確幾關鍵，睇返鮑威爾最新言論，聯儲局的確有機會提早減息，若6月CPI按年升幅收窄至3.1%，甚至更低水平，金價好大機會破位上，唔排除會迫近2400美元，相反，若通脹升溫，美元就會轉強，屆時金價就會轉弱，有可能回落至2350美元。
