【now.com財經】由歐國盃未開始嘅時侯，已經課金買英格蘭冠軍，原因只有一個：「情意結」，有啲似班大叔嬸嬸買滙控(00005)一 樣；唔同嘅係球 賽有終結嘅一日，但股市...基本上係無。所以喺股市上玩「情意結」隨時變「無底洞」。
呢兩日都數過喺恒指日線圖上面，有100線+250線+保歷加底線+下降通道底線四歸一嘅支持下，都托得住指數呢兩日嘅走勢；但那邊廂嗰四層每層有相當於過千張牛證街貨嘅期指確實太肥，會唔會失心瘋向下殺過去？真係唔排除呢個可能。
兩邊吸睛力度都唔細，落注都真係要小心啲，不過，今朝恒指開市升157點，開市報17,629點，作戰室今日第一注都係反地心吸力出好倉，借小時圖同日線圖Set定好倉目標範圍17,700至17,750點，依家望望鐘9點52分，指數已經到咗好倉嘅目標範圍，作戰室亦都變陣，換出「風箏策略」。
如果你問我「唔怕下面嗰四層千張重貨牛咩？」點會唔怕，痴線，擔心佢死多過英格蘭唔捧盃，先預日線圖指數仍然會喺10線同100/250線之間游走，雖然指數仍然處於「下降通道」，但仍然可以喺通道嘅上落中進行Swing Trade策略，再縮細嗰時軸圖用返小時圖的話，10點打後見指數已經向上頂高條保歷加通道頂線，將本來通道口收窄中變成開始橫行返，而目Slow STC(14.3)兩線勢頭仍然向住超買方向出發中。
只不過，換平均線出嚟則有少少隱憂，皆因指數喺依家10點8分已經升咗278點，指數被小時圖50線有啲頂住，坦白講作戰室嘅好倉都陸續收割，戰友已經去咗煮/食早餐，睇睇呢篇文嘅你再追好倉，難度系度不少於翻騰四周半。
話分兩頭，時間嚟到10點12分，小時圖條50線開始作勢被突破，痴線目前補7月8日開市裂口(17,735至17,799點)作戰室做緊；我諗睇完文之後就知呢個裂口補唔補到。
簡單啲，企得到小時圖50線的話，恒指牛(63126)，收回價17,328點，同現價有約380點距離，槓桿有約35.4倍；相反，如果佢今日補裂口任務完成的話，低走50線時恒指熊(62965)，收回價18,150點，同現價有約400點距離。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
