【Now財經台】美國利率走向及前總統特朗普(Donald Trump)再度入主白宮嘅可能性，除影響美息、美元外，亦會影響人仔走勢。據《彭博》調查顯示，雖然人仔弱勢，但相信人民銀行有能力維持人仔匯價穩定，唔會再大跌，但認為特朗普再度當選，以及聯儲局貨幣政策，都係人仔未來走勢最大風險。依家市場最大憂慮到底係一旦特朗普再上場，中美會再打貿易戰，增加人仔貶值壓力？還是擔心美國通脹升溫，美元強勢對人仔造成衝擊？
東亞銀行首席投資策略師李振豪指，最近人行進行逆回購操作，目的係提高U型曲線(U-Curve)，中國10年期債息推高至2.3厘，但美國10年期債息迫近4.2厘，若美國明年才減息，而內地推高U-Curve，人仔就會升。佢又話，人仔短期受美國總統選舉影響，導致有啲波動係正常，但中長線嚟講，人仔可企穩7.3，加上中央出手，再大跌空間唔大。
