【Now財經台】強積金(MPF)6月錄得正回報，上半年整體回報主要受惠於股市表現正面，股票基金跑出有冇令投資者嘅風險配置有變？外圍股市造好，尤其是美股，未來應唔應該將MPF投資轉移至美股？
GUM常務董事陳銳隆認為，強積金資金轉移有增加趨勢，由以往低風險資產轉移至高風險資產，中風險資產就轉移至低風險資產，例如保守基金及高風險資產，尤其係美股，所以見到投資者取向變得兩極化。
Michael又預期，下半年整體股票基金表現將繼續向好，而喺強積金平台表現較好嘅美股不斷破頂，主要受人工智能(AI)熱潮帶動，AI相關股強勢不斷推高美股，加上美國聯儲局有機會減息，因此，預期美股後市有機會持續向上。
對於港股相對落後，陳銳隆認為，可期待三中全會將會有好消息，繼而帶動港股向上，但唔好期望港股可以好似美股、日股或歐股咁強勢。
