【Now財經台】憧憬美國非農就業數據放緩,令美國聯儲局減息機會增加,紐約期油上周五(5日)衝破前高位,升至近兩個半月高位,高見每桶84.52美元。紐油已連升4周,累升逾10%,本周開局出現回調,係咪反映近期嘅利好因素,包括減息預期已大致反映晒?
獨立外匯商品分析師譚家康指,油價短期有機會已見頂,近期喺84.5美元有明顯阻力,因此,呢輪由需求帶動嘅升浪應該已結束。佢又指,石油輸出國組織及盟友(OPEC+)有成員唔遵守承諾,產量係超過quota,都會加大油價嘅下行壓力。
Pierce估計,油價後市有機會大跌,跌至78美元水平,始終油價依家係靠OPEC撐住,投資者要密切留意,睇下捕唔捕到呢個跌浪。