【Now財經台】美元回調提振亞太區風險資產，金價過去幾日持續窄幅上落，但今日(3日)進入歐洲交易時段就衝高10美元，市場仍等緊美國聯儲局披露更多減息時間線索，不過，金價始終跌唔落，到底幾時先有明確方向？
環球期貨交易所客席講師鍾俊鏘表示，睇好黃金後市，因為世界貨幣政策轉向在即，雖然美國短期未必會加息，但歐洲及日本放寬貨幣政策，黃金呢類較有價值嘅商品會更有潛力，地緣政治亦增加咗各國央行對美元嘅不信任，以及對黃金嘅需求。
Joe又指，金價喺每盎司2285美元水平止步，反映呢個位有一定阻力，而2300美元亦似乎有幾大支持，上半年有唔少大行估計，金價有機會升至3000美元，Joe就認為，即使年底未升到呢個水平，但基於地緣政治及整體經濟需要，金價明年仍有機會見3000美元。
