【Now財經台】美債息持續高企，美股亦長期處於高位，如果美國聯儲局年底先開始減息，幾時開始反映喺股市上？債息升到咩水平，美股先會出現跌市？
「股市漁夫」創辦人莊志雄指，標普500指數及納斯達克100指數依家企喺高位，但其實美股有近60%股份已跌穿50天線，表現兩極化，造得好嘅股份帶領指數破頂，表現差嘅股份就股價大冧，以Nike為例，集團出完業績股價就大跌，仲錄得23年最大跌幅。佢又話，受經濟疲弱拖累，或公司本身有問題，當呢啲公司一出業績，股價就隨即急挫，其中又以中小型股最受債息影響。
Lewis又話，過往經濟好嘅時候，債息升，標指就會跟升，不過，2022年後，債息升，標指就會跌，若美國10年期債息升至4.6厘，就會對標指造成壓力，投資者要留意美債息升至4.6厘後會唔會爆升。
