【now.com財經】一連三日假期咁就完咗，時為7月，亦即今年已過一半，通常我都會每半年左右瘋狂大清潔屋企一次。以前懶啲，依家勤力咗都只係因為想我家肥貓住得健康；所以上個星期嘅三日假期就真係Very good！瘋狂清潔一日再抖兩日，再加埋歐洲+美洲國家盃車輪咁填滿咗個凌晨至朝早，成個假期充實到呢...今日好眼瞓。
不過，恒指放完三日假似乎都活力充沛。今朝低開49點，開市報17,669點之後，甫開市即見高走，還好同戰友們今朝都係等指數開市之後先至再出手，未借U盤方向出倉，如果唔係真係GG啦。
其實依家已經10點30分，今朝早花咗啲時間請教我舊老細同埋老友強少啲嘢之後，還好指數好乖咁自己「升住先」，上到17,985點/17986點見出爭一點「平頂」之後，同戰友一齊棄淡轉好，第一個目標為五分鐘圖10線已經成功抵壘。
換個小時圖，見指數今朝出「大陽燭」插住喺度，兼將指數向上推高至重上20線樓上，不過，依家見指數於中軸樓上粒燭有似出「射擊之星」咁嘅樣嘅嘢，目前見燭身有啲厚，又指數升幅有啲縮，諗緊係咪應該等小時圖借到中軸線企好先至再出好倉，順返依家Slow STC(14.3)兩線向上咁啫。
恒指牛(60233)，收回價17580點，同現價有約394點，槓桿有約44.9倍，小時圖中軸企得到先至好出；如果有時間睇圖嘅，借五分鐘圖見Slow STC(14.3)超賣行觸底Swing一趟都可以架。
小心日線圖嘅「下降通道」。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
