【Now財經台】多家內地車企出咗6月銷售數據,表現普遍唔錯,其中,理想汽車(02015)上月交付量按年增長46%,集團又指,第2季以來已重登新勢力品牌銷量榜首位,理想股價今朝(2日)曾升8%,高見75.95元,理想CALL嘅窩偏高,但牛證選擇唔多,應該點部署?
中薇證券研究部執行董事黃偉豪指,今日(2日)明顯係炒交付量數據,理想股價已持續弱勢一段時間,6月汽車交付量增長46%,雖然冇以往高峰期以倍升咁誇張,但都係一個唔錯嘅回暖訊號,所以帶挈股價顯著造好。
Ravi又話,CALL輪嘅條款唔太吸引及合適,雖然今日理想股價反彈,但可唔可以展現強勁升勢,要留意呢兩日企唔企得穩20天線,建議投資者可以先觀望,如果股價企穩20天線,再博好倉比較合適。