【期匯決算】美元升得幾高睇法國大選

【Now財經台】美元持續強勢，美國10年期債息衝上兩周高位，美匯指數則高見106.13，美元短線係咪繼續睇升？

亨達集團助理總經理羅明立指，主要係近期美國聯儲局官員嘅言論非常審慎，甚至有官員預期今年唔減息，雖然市場仍預期9月會開始減息，不過，官員嘅鷹派態度令股市持續受壓，美元亦造好。

Patrick續指，未來要留意歐洲嘅情況，法國國民議會選舉係一個好大負面因素，因為極右勢力有機會上場令歐元受壓，所以建議投資者可以繼續買美元。佢又估計，美元應該仲有得升，但衝得幾高仍要視乎法國選舉情況。