【Now財經台】面對內房危機，中央不斷出招救樓市，包括白名單、放寬限購及限貸等，市場認為係咁多年以來最有力嘅政策。此外，又建議銀行向指定開發商「放水」等，呢啲措施推出已1個月，樓市情況到底有冇好轉？
廣東省地產商會副會長尹德輝指，內地樓市成交跌勢未止，但如果中央冇出手，情況可能更差，例如賣地收益跌得仲勁，所以唔可以一口否定呢啲措施冇用。
佢又話，內房過去幾年限購等政策嚴格，令市民買樓有困難，放寛政策後，市場短期會先經歷一輪調整，但只要內地維持低息，房地產市場要復甦唔難，雖然未來幾個月嘅數據未必靚，但預期喺咁多刺激措施下，一線及二線城市嘅房地產市場將逐步好轉。
