【Now財經台】耀才證券金融(01428)昨日(24日)出咗業績，全年少賺近10%，收入微跌4%，末期息0.33元，雖然派少咗，但派息比率仍達100%，公司話係答謝股東支持。耀才股價今早(25日)高開逾4%後，升幅一度幅擴大至8%，高位1.9元，逼近歷史高位，由於獲利盤湧現，其後升幅顯著收窄，成交量較過去100日同時段平均大增11倍。
港股4月開始有起色，4月至今日均成交約1200億元，理論上對耀才收入有正面影響，但仍要留意中期業績係咪真係有改善，不過，市場見股價急升都寧願先獲利離場，今日股價走勢好似一支避雷針咁，暫時都唔係太適宜做部署。
