【now.com財經】噚日恒指喺完場前最後半小時一直係咁抽高，最終抽到企返上18,000點收市，咁搶法喺五分鐘圖上留底嘅就係保歷加通道口拓闊同埋Slow STC(14.3)已經上到天花板，保歷加通道拓闊新係常識吧！所以今日見指數升60點開市時，已經係作戰室講定今日唔跟U盤方向出倉先，比啲時間指數浮沉一輪先至再出手都未遲。
我承認今朝被五分鐘圖開出嚟嘅第一粒「十字星」同第二粒「吊頸」fake咗出淡倉，但還好果斷立斬做返反手之後，填返個洞洞之餘，見指數再上到18,200點樓上，心情同出面個天一樣咁晴朗。
又咁講，話就話指數200點，殺咗兩層熊證街貨，不過夾埋其實都係得109張期指街貨，事關熊證嗰邊嘅貨量本身就唔係好多，向上再打嘅話就要睇下之後儲唔儲到再多嘅街貨返嚟，引指數向上。
依家10點20分，恒指暫時高位做過18,231點，同日線圖嘅20線18,237點相約，少少上影線暫時掂住條線之後，換個五分鐘圖見指數都有似借10線向上再上行多一次，破得到位嘅我諗作戰室班友仔啲好倉都會繼續守落去。
再睇埋小時圖，依家恒指做緊18,187點，升159點，第二次喺小時圖上闖100線關。如果闖得過，唔怕保歷加通道口收窄嘅，皆因仲有條件比swing。恒指牛(62061))，收回價17,778點，同現價有約420點距離，無咗堆同現價300至400點中間嘅牛證：佢都有41.4倍槓桿，頂住先啦。
但如果小時圖嘅100線+日線圖20線頂返指數落去嘅，咁順便可以借埋五分鐘圖Slow STC(14.3)落返去超賣喎，恒指熊(60747)，收回價18,550點，同現價有約379點距離，槓桿約39.5倍，都係夠做Day Trade嘅。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
