【Now財經台】花旗估計，九興控股(01836)7月中旬有機會發中期盈喜，按年多賺逾40%，該行又上調九興目標價。九興股價今日(24日)顯著造好，收市升穿15元，創近9年新高。
花旗指，九興受惠於主要客戶產能利用率恢復，同埋高利潤板塊收入進一步提升，加上第2季係運動及時尚鞋類銷售旺季，相信第2季表現仍然強勁，預期集團上半年收入達7.5億美元，由於純利增長加快，加上估值吸引，花旗上調九興目標價至19.6元，係全城最牛。
此外，後市要留意係咪有更多行上調九興預測，雖然九興股價強勢，但同花旗目標仲有一段距離，暫時可以先睇保歷加通道頂，即16元水平。
